Ultimate magazine theme for WordPress.

काँग्रेस सरकार बनाउने र भत्काउने खेलमा लाग्दैन : प्रवक्ता शर्मा

35

नेपाली कांग्रेसका प्रवक्ता विश्वप्रकाश शर्माले नेपाली काँग्रेस सरकार बनाउने र भत्काउने खेलमा सहभागी नहुने प्रष्ट पारेका छन् । पार्टीलाई पाँच वर्ष विपक्षमा बस्ने प्रष्ट जनादेश रहेकोले भ्रममा नपर्न आग्रह गरेका छन्।

शनिबार प्रधानमन्त्री केपी शर्मा ओलीसँग सभापति शेरबहादुर देउवाको भेटवार्ता सम्बन्धी खबर आइरहेका बेला आइतबार अपरान्ह प्रवक्ता शर्माले कोही कसैलाई भ्रममा नपर्न भनेका हुन्।

नेकपाभित्र आन्तरिक विवाद भइरहेका बेला अध्यक्षसमेत रहेका प्रधानमन्त्री ओलीले सभापति देउवालाई भेटेको र आगामी दिनमा सहकार्यको प्रस्तावसमेत राखेको दाबी सहितका चर्चा भइरहेको छ।

तर यसतर्फ लक्षित गर्दै प्रवक्ता शर्माले नेकपाभित्रको द्वन्द्वसँग कांग्रेस निरपेक्ष रहेको उल्लेख गरेका छन्।

‘भ्रम, कोही कसैलाई केही छ भने- पाँच वर्ष विपक्षमा बस्ने प्रष्ट जनादेश छ कांग्रेसलाई,’ प्रवक्ता शर्माले भनेका छन्, ‘अत: कुनै पनि भड्कावबाट टाढा छौं,रहनेछौंl’

उनले घुमाउरो भाषामा सत्ताको जोडघटाउमा पार्टी नलागेको पनि उल्लेख गरेका छन्।

Comments
Loading...