Ultimate magazine theme for WordPress.

पास बिना काठमाडौ छिर्न खाेजेका गृहसचिवलाई हवल्दारले नाकामै राेके

140

आफ्नै प्रदेशमा यात्रा गर्दा प्रदेश गृहसचिव नै सुरक्षाकर्मीको ‘हल्ट’ मा परेका छन् । बागमती प्रदेशको आन्तरिक मामिला (गृह),कानून तथा सञ्चार मामिला हेर्ने मन्त्रालयका सचिव मदन भुजेल केही दिन अगाडि दक्षिणकाली माथि हुमाने भञ्ज्याङ्मा झण्डै दुई घण्टा रोकिएका हुन् ।

हेटौंडाबाट पिस्तोल बोक्ने हवल्दार दर्जाको बडिगार्ड सहित काठमाडौंबाट कार्यक्षेत्रमा फर्कदै गर्दा पास बिनाका भुजेललाई सुरक्षाकर्मीले आवश्यक सोधपुछको निम्ति दुई घण्टा रोकेको बताइन्छ । कोरोना संक्रमणको कारण उपत्यका भित्रिने र बाहिरिने सवारी साधनमा कडाईसङ्गै सुरक्षाकर्मीले कर्तव्य पालना गरेको स्रोतको दाबी छ । पछि माथि फोन घुमाएर बल्ल उनले उम्किन पाएका थिए ।

झापाका भुजेल यसअघि कपिलवस्तु र बाँकेमा सीडीओ थिए । यसअघि बागमती प्रदेशको योजना आयोगका उपाध्यक्ष श्याम बस्नेत पनि मकवानपुरका प्रजिअ दिपक नेपालसङ्ग उपत्यका छिर्ने पास (अनुमति) लिन गएको बेला सीडीओ कार्यालयका एकजना सुब्बाले ‘न मलामी,न बिरामी’ लाई के को पास चाहियो भन्दै पास रोकेको बताइन्छ । नियम कानून बराबरी लागु हुन सक्यो र माथिको हस्तक्षेप भने यौटा हल्दार र सुब्बाले पनि मुलुक हाँक्न सक्छ भन्ने प्रमाण हो माथिको दुई घटना ।जनअास्था स्रोत

Comments
Loading...